اتموليح البيظان

السلام عليكم ورحمة الله وبركاته

-وحدين طاح اعليهم سارق قامو ورقدو عنو روصهم امش بالتلفزة ورسبتير والين اتل يوخظ حاول بوهم يخبط بتلكوماند صد اعليه وقال لو:ذاك شنه . قال لو:ماهو شي الا انت انسيت تلكوماند.
-راجل اقرع وزوجتو قرعة جبرو اطفيل عندو زغبة وحدة سماوه بو قفة

- راجل داحستو اعيالو و لا ايلود ال سبة ايخليها بيها، تمو انهار شادين لخبار الين انشفرت هيا قالها اتفو انتي عايدة انك ذا نبتك ايو تمي واعدة اهلك، كفطت هي دبشها مسيكينة لين لحقت الباب اثروانشفر هو صدت اعليه قاتلو ايوة نرجع؟


-خالك مترشح للنواب ألا عند الفظ ج القرية كالهم آن جيت أنلود لهل لمروة كالول أتكدم لكدام أمع الكوم أراهوم كدامك ،عينهم أعل المقبرة.


-فيه مرة واحد بيظاني عاقل امش شور ادباي وقل لهم:انو ليه ايعود امامهم وليه يتم ايخلصوه وهو مايعرف شي كيفهم والين اعط زمن جاهم واحد خاطر واتل ايصلي امعاهم اسمع الامام ايخصر وكان هامو يصلحلو قال لو الامام: ياهذا استرني ولاتتكلم فان سكت فلك النصف وان تكلمت ف5لك العذاب الاليم.
قالو اهل ادباي: آمين




خالك تيكويت ماني سامي أسمه كان ساكن عنده شومير داحسه وهو أمعدل ماشاء الله وهي تبقي أتصوع ماهي جابر حيل أتصوع بيه خالك ليل أتل إصل المغرب و اتل يقرء تبت يداء أبي لهب وتب ما أغنى عنه ماله و ما كسب كاتل حد لاهي أعيب أعمام الرسول ألا إصيبلي داري




يارب تعجبكم
تحياتي


منقول

هههههههههههههههههههه - اتوكويت يا ام جهاد لاه اتصوع هاذ شومير اتوف --

ههههههههههههههههههههههههههههههههه انا بعد لهي انصيب ذي الصفحه بي الظحك
مشكووووووووووووووورة حتتت يعطيك العافيه


اصل اتمر وطول لعمر

مشكورة ( من القلب ) ام جهاد ..

شكرا لك ام جهاد على التميزك الجاد و روعة مواضيعك


فيه واحد مول بوتيك و عندو طير يتكلم (ببغاء)فالبوتيك
و خالك واحد من ايكليان (الزباين)قديم و اصلع كل مرة
يجي داخل البوتيك يكوم عليه الببغاء يقول جاكم لكرع جاكم
تعقد منو الزبون و لا تل يجي للبوتيك و بعد ياسر من الزمن
شافو مول البوتيك سلم عليه كالو انت ما تليت تجين اياك مانك
شايف علين شي كالو صراحة طيركم ذاك طارحولي مولان لين
انجيكم يكيم علي حرياط جاكم لكرع جاكم و تعود الناس كامل تظحك
في و عت يبوي هارب منو قالو مول البوتيك صرتك يدني انبطولك
و لا تل لاهي يسميك و لا تليت تتخطانا وافق الراجل مسكين و ج داخل
و اشرى غايتو و تلفت ذ هوالو الطير اللا ايخرصو كالو انت شتخرص
كالو تعيرفو (يعني نخرص راصك لكرع) تفاديا للبط


وحدة مشات مغتاظة على راجله كاست اهلها و اثرهم
حالتهم متبركة مساكين و اولادها ما جاو معاها و عادو
يجوها يعطو معاها ساعة و كانت شاكة عنو لاهي يتلبها
يسكريها و اعكب ما ج كالت للتركة بوكم ما سولكم عني
كالولها مااااااااانلل كالت الهم ما سماني كالولها كط نهار
كال دخلو ذاك جل الكربة عن الشمس انساتو امكم لا
يخسر علينا كامت تظحك و كالت الهم ذ عاد يرد امر لخيمتها
و جات داخل على الراجل و انسات افكايعها


تحياتي

الفائز اتويكيوت افيلحة مشكور مرورك اسعدني

nourdine كتب:مشكورة ( من القلب ) ام جهاد ..

كافيني انها من القلب مرحبتي بك نور

وحدة مشات مغتاظة على راجله كاست اهلها و اثرهم
حالتهم متبركة مساكين و اولادها ما جاو معاها و عادو
يجوها يعطو معاها ساعة و كانت شاكة عنو لاهي يتلبها
يسكريها و اعكب ما ج كالت للتركة بوكم ما سولكم عني
كالولها مااااااااانلل كالت الهم ما سماني كالولها كط نهار
كال دخلو ذاك جل الكربة عن الشمس انساتو امكم لا
يخسر علينا كامت تظحك و كالت الهم ذ عاد يرد امر لخيمتها
و جات داخل على الراجل و انسات افكايعها


تحياتي




هههههههههههههههههههه يلالي مشبهها بي مشكوووووووور المدير مرورك ومشاركتك زادو الصفحة وعطروها

مرحبا بك يلالي انا غمزتك ماه بغرظي هههههههههههههههههههههههه

هههههههههههههههههههههههههههههههه والله الا زويييين حته ..

مرحبتي بك منت بوها

خالك واحد ج لابلد لاه يجهر فيه حاس اوكالول الناس الساكنين احذ ذاك لبلد عن ذيك اترابهم اوعنها ماينجهر فيها
كالهم والله, وامش.
تم اور ذاك ابدهر ايل جاهم اوقدموه لاصلاة المغرب صل بيهم واكر سرا امنين اوفات الصله كالول انت اكريت التحت لاش كالهم الاكط كلتولن عن هون ماينجهر فيه.

خالك راجل ماه عاقل ومعاه أولادو باتو عند كوري ينكالو (مالك كَيْ) لين لحكت اصلاة الصبح كام الكوري كدم الخلط طامع فستزويهم للصلاه واتكدم الأب طبعا وكام اموطي فالفاتحة ولا احصر عكلَ عند (مالك يوم الدين) كام كال لولادو من دون عنو يلتفت اعليهم:
هدام لكور اشينكالو ؟
كالولو:
ينكالو (كَيْ



خالك واحد كلام حت وتعرف النقل حالتو في موريتاني , اتعلك في بيس تم الين اتعلكت امعاه وحدَه , كالها : إلْهيه كيف انشَ كاتلو : باش كلتها ؟؟؟ كالها : تتلاقفي ودخنه وفي كارْ

خالك واحد كان واعد انهُكارَه اوراكب سيارة -سيارة للنقل طبعا-من اللورَه اوعندُ نعجه هذ اعل رنك رنك الكايس المذرذرة
المهم,عاد واحد امن الركاب ال فالسيارة الا كاعد اعل نعجة الراجل واطوالت اعل الراجل قال مول النعجة لامنادم كلتلك انت امنين لاحك كاللو انا لاحك المذرذرة كاللو ذيك بعد النعجة اراهيالك لاحكه الا انهكارة

خالك مده نطرح أغداهم كام والدهم ورسل أطفيل يجيبل شمن أدهن عند خيمه حذاهم
إلين عطاوه ل أدفك عليه وأنهار حامي..كال بوه أصل لاه يدفك أعليك أنهار بارد
وأطفل ذايب وأدهن مجنون وزايل عقل

قديما كان خالك ألا الكاميونات يمشو من انواكشوط شور النعمة وإللي بينهم من المدن امللي تركب ابصاجتو..
انهار اركب واحد من أهل بوتلميت والكاميوه ملان من الخلق كايس النعمة وخالك واحد من أهل الشرك املنكي واكف وواحد من كرعيه طارحو -من دون قصد- اعلَ كايمت صاحب أهل بوتلميت..
عاد صاحب أهل بوتلميت ألا يرفد عنو كراع الراجل ودكمرو عنو، ماهو امنعت لفكايع يغير يدكمرو ادكميرة حرشَه ، لين اندحس صاحب أهل الشرك كالو:
بويَ انتَ كراعي (بترقيق الراء) هذا إللي ألا تعطي ساعة وتكحزو عنك أمالك..؟
كالو صاحب أهل بوتلميت:
آها أسمحلي انا كنت نكلعو عن كايمتي شاك عنو كراعك (بتغليظ الراء) لين عاد اكراعك (بترقيق الراء) ألا ديرو إف بل امنين ابغيت اديرو..

المختار ول الميداح كط امشَ واعد داكار ءجاب امبورايَ اكبييييرة من امبورو دكار ذاك وامنين ادخل الصنكَ عاد اموخظهَ من راندروفير راكبهَ من كدام (ابرمير) واشمذاك تطفك حد كالولو المختار انت لَم عنَ امبورايتك ذي اخليك كالهم مانلل هاذي كالهم جايبهَ لاهي انهدهَ فامبورو المذرذرة ذ كانو اخلٌ ش كيفتهَ (امبورو الصنكَ اصلاً كان الا امبورو لحطب ذاك الماهو اكبير حت)

كالو عن ول عوَّ كان واخظ من الدار والكوزين نااااافظ من الصاير كاتلو السيدة حرمه افلان أطفك إلنَ 4 كيلوات من ابومدتير و4 من تماتَ و4 من كاروت و 4 من... إلين جابت تِنْعدَّ ذَ كيفتها كالها إن شاء الله..
كاتلو أهيه ماني امعيطَة فثرك الماء زاد هو فارغ جيب احمار امللي..
كالها غزيتي إللي جيبتيني لحمار ورَ ذاك من لربعايات..

نزلو ذاك ياهل السيك.


المختار ول الميداح يرحمو جَ انهار المولَ البوتيك ال احذاهم ءكالو الاه اعطيني اتاي ءش يُسبكلو وازريك امعايَ اكهولَ اصحابي ....
كالو الا حاني اتج المعلومة آن وكاف اجديد ءكالي البطرون عن المعلومة الا هيَ ال اندينْ اعليهَ ..كالو المختار آن والد المعلومة رانيلك واطلصني اخلكل كالو لا لا ما انكد الين اج البطرون ....

افذَ ش ادخل واحد ادور ذات100 اوقية طاهالو الوكاف واكتبهَ اعليه فالكرنَ :ذاة100 كالو المختار ايو اطلص ذيك التاء باطل العادت ما اتحاني المعلومة


خالك خيمة ينكاله أهل الذيب (ول أذويب أنت فم) كط خوطرت عل مده فالباديه فديماس..
والمده هاذي كان مخوطرين عليهم تركه أقارب لهم..ووف ديماس وتهات الكيكله تكفط كامله
كامت الخيمه هاذي وعطات جديان لتريكتهم مصيفطينهم بيهم..
وسراو التركه هاذو وفجر أهل الذيب..

إلين عاد أظح وج أطفيل لاه يصيفط لغنم..ذ هي لغنم خاصه شي..
كالهم كاتلكم هومه أهل الذيب سراو أعل لغنم؟؟

ول عو يرحم قط كاس سينغال واركب في تاكسي وأشاف كورية امحسن(امفرطص) راصها واترظع ايشير قال الصاحبو اللي احذاه حد جال موريتان أكالهم عنو شاف راجل ارظع مـــــــــــــــــــــاه ي لاه اتجد اعليهم


هدية للفائز

عرفات ول الميداح هو وعماد الدين الدبش ماهم عل وفاق أصلا..

تم عرفات راكد الصبيحه إلين جاتُ المعلومه ووعاتُ..كاتل كوم الفوك صلي كاله حانيني أشوي
ندور نكوم ظرك..كالت لُ بدى كوم الفوك الصلاة عماد الدين..
رد راص وكاله ذاك هو البي فيهَ

خالك واحد يكرَ إف قسم محو الأمية، تم انهار لين ادخل اعليهم الوزير وكام هامو إسول الطلبه يهوَّ أسن إللي فيهم صاحبنَ هذا، كام الوزير إلتفت يهو افزر القسم كرطونَ من اكراطين دلوير (زيت) ساميا، مكتوب اعليها ساميا كتبه اكبيرة..
كال الوزير إل صاحبنَ عنو يكرالو ذيك الكلمة كالو واللهي شوف..
هذا حرف السين جابدو الليف، و هذا حرف الميم وهذا إل تالبو حرف الياء جابدو الليف، كالو الوزير ممتاز أيوَ اكرَ الكلمة كاملها..
كالو: دلوير..

خالك واحد امظاير اعلَ اعيالو ابكورية وعندو من اعيالو البيظانية وللين واحد أسمو ابراهيم ولوخر موسى والكورية عندو منها ولد واحد ينكالو دَمْبَّ..
وهو إلين اتلَ لاهي إشفع يجهر وعاد يعرظ سورة الأعلى الفوك وتسمع الكورية (في الصحف الأولى صحف إبراهيم وموسى) ولا اتمونك ذاك عندها شكت عنو ألا ش مخصه بيه ام لعيال لوخر عنها هي واغتاظت، المهم جاه وسكراها واسكرات ابشرط إساوي بين جيمع أولادو بمافيهم دمبه واكبلها..
لين عاد الليل سنت إشفع واكرَ لين كال: (في الصحف الأولى صحف إبراهيم وموسى)، حنحنت الكورية جَ امتلب للآية: إمْهْ ودمبى..

مختار ول الميداح اجبر واحد واعطاه 100000اوقية وامنين اعطَ سنة جبرو مرة اخرَ صد اعليه الراجل هاذَ ؤكاللو المختار انت ما اعرفتني كاللو مانلل، كاللو آن كط اعطيتك ميت الف اوقية اللي لو عاد ظرك عام كاللو امنين بعد تعطيهالي ظرك ما تيت لاهي ننساك فر !

خالك واحد امشَ فالحرب وامنين انكْصَر ارجع منخلع وعاد اللا امنين إسولوه عن حد إكولهم ذاك مات .. كالولو انت اياك ما هربلت باط ؟ كالهم هربلت مات ؤمات خوه !

خالك واحد ثاني امللي فيه عجلَ جَ ال وحدين لاهي إعزيهم وخاظ اعل انحيرَه واللحم مطّايرْ .. ادخل اعليهم كالهم هاذ المرحوم أينتَ انتحر ؟؟

خالك واحد من لبزوكه مات صاحبو واتل لاهي إلقنو .. كاللو ابّيليلْ عود عالم عن لاهي إجوك 3 ملايكه واحد ينكاللو منكر والثاني ينكاللو منير والثالث ما تيت فاكد اسمو .. يغير ابّيليل عود عالم عنك لين اتلَ تكبظ الهم ذيك اجّوغه ال تكبظنّ نحنَ فالدنيَ إدورو إديرو فيك لحرور !

خالك واحد ما إنزْ (مكحط) زوجتو حامل وطلبت منو يشريلها تلفون ؤكالها عنو ما عندو الفظه .. امنين ابرات جاوه اصحاباتها كالولو افلانَه اخلك عندها اطفل إفِبري ؤذَ ما يتواس ! كالهم والله لعاد إصوني ما نشريهالهَ .

خالك إمام كان إصللي يوم الجمعه واكْرَ (إنا أرسلنا نوحا) واسكت ؤلا اجبر حد يطلص لو واعطَ شي .. غمزو واحد من لبزوكه واكف وؤاهَ ؤكاللو : ي خوي ارسل حد ماهو نوح واطلصنَ !

واحد كان إلى ركدت زوجتو يمشي عنها يسَدّر .. إلين ارتحم كاتلهم : عنكم ردموه حتت راهوالكم فيه فزّ اعكاب الليل

مرة قسم محو الأمية جاه الوزير وسنتَ يختبرهم كالهم اعطوني كلمة فيها حرف الدال .. ؤوكفلو راجل اكبير ؤكاللو جرادة .. كاللو الوزير ممتاز جدا أيوَ كلمة ثانية فيها حرف الدال ما جاوبو حد لين اعطَ ش إكرر وينهو حد يعطيني كلمة ثانية فيها حرف الدال ، ؤوكفلو نفس الراجل إللي اكبيل ؤكاللو: أنا.. كالو الوزير: ابرافو اعليك ممتاز كول الكلمة.. كالو الراجل : أللا اص اجرادة أخرى

خالكَ مدة من ذوك أهل شمامه اصبح اطفيل عندهم متوفي وجاتهم الناس امع اصباح اتعزيهم اف مصيبتهم الطفل اسغير وغالي، كاتلهم جداتو نحنَ كاع مانسالو ش إل ملانَ ألا الحمدلله إللي ابكَ فين حد حي، ادخل اعلينَ ذ المقرب البارح ولحكنَ اركود وألا كرامَ كاع إللي امش بالطفيل وحدو ولا فردل فينَ نحنَ لخرين..

خالك شيخ مدة جاهم مرة اوفيهم واحد ال اعيَ يطلب كالولو شوف ايلا ج الشيخ لا تطلبُ أرانك ذاك ال ادور لاهِ نعطوهلك المهم كام الشيخ ايسلم اعل الناس والشيخ يتكلم الا بالعربية الين الحك السلام اعل صاحبنَ كالَّ الشيخ ما المهنةُ؟ كالُّ الراجل الطَّلبةُ

ههههههههههههههههههه ام جهاد اكتليني بالضحك ..

مشكور اعلى ذا التموليح ..

خالك واحد منَ نحن أهل الداخل انجح افكونكور واتلَ اهي اكيس العاصمة انواكشوط يكرَ الإعدادية فم وامنين اتلَ يمش وصاتو والدتو عنو اعس من الحوت ءلا يقرب ارض فيه العاد ما يبق يمرض
تم انهار الين خاظ اعلَ ش من التركة حاصرين اعلَ مولاة بللبصتيك جَ زاد هو واشرَ بللبصتيكاي كابظو اغباهَ ءحاز اعليهَ وزركهَ افمُو ...طارت افراصو بيهَ متن لبرود اكلعهَ ءطول بيهَ ايدو ءكال اصل كط وساهَ الحوت اححححح آن نعرف عن ذاك الكالتل الوالدة حك

اصل اتمر والصحة منت بوها

ول هدار جَ للشيخ الخديم غايب كالُّ الشيخ الخديم عنُّ الا يختر بين الدنيَ والاخرة.
كالُّ اندور الا الاخرة كالُّ ايو امش ارانِ لاه نطلب ملانَ الاخرة.
امش ول هدار.واعكب بعد اشوي جَ راجع.كالُّ انت اخبارك كالُّ انا الا اتفكدت عنِّ ايلا جيت لاهلِ عدِّ بيهم نافظين جايبلهم الا الاخرة ماهم لاهِ يفرحُ بيَّ.

خالك هو إمام من لبزوكه تمت منتو انهار ماش امع صاحبته لين خاظت اعليهم وت ونشك اكراعه كال طرطك كالت الطفلة الودود كالت اله منت الإمام الودود منه؟ كالت اله الودود تنكال ال ملانه كالت اله ماسمعنا بهذا من قبل !!!حانات لين جات ال والده الإمام يوني كالتلو حك الودود تنكال ال ملانه ؟؟؟
كاله ذ من كالو ؟كالتلو كالته صاحبتي كاله مانلل يمنيتي ذاك ألا كثرة أخبار البظان ايكنو ملانه

هذا فكدني بشي :يوم أتفاك عرفات هو لباب كامو أهل الميداح يتباكاو كاملين جاتهم أمر مالح كاتلهوم أنتوم أمالكم كالوله بين عن لباب عاد أمعاه عماد عربي كعدت هي وكامت تبك كالوله أنت أمالك كاتلهم باكية عن أهل عماد

خالك مجنون مايكول حد السلام عليكم ماجَ طارشُ..تم مره إمام مسيد إصلي إلين حس المجنون
أن عاد لاه إسلم ج وكعد أحذاه أفطنل لمام..وأثر يعرف عن فيه طرشه..
طَ ساعه ما كام المجنون طوالت لخبار عل لمام كام وج مسلم وج كايل: ça va و رحمة الله..

خالك واحد ازرك حت من قبيلة اصلا عندهم شمن لمراد يظحكو
الراجل كان فديكه كبيره خلكو فيها قتلي وجرحي وعدل هو عنو ميت لين وفات الديكه ج واحد لاه يداوي الجرحي ويكيمهم يكيسو لفريك (الراجل شكلو يخلع ) شك هو عنو ملك الموت جاي لاه يسول الموتي كالو : سول يغير آن حي .كالو يخوي الهيه وهاي جاي كوم شور اهلك آن أثري السوال كالو : الياش مانك السوال انت اطويل وتخلع وسنك وحده وكفتك امنوشكه لاحكه السما الياش مانك السوال اصل انت السوال

كوري فايت املي كان عندو احمار ومودعلو صاحبو احمار وخالك انهار ماتو لحمير لثنين

بيهم السحاب(المترو)

كتب لا هي ايعلمو برسالة قالو=

السلام عليكم اخبرك بان المترو قد نزل وانا حمار وانت حمار كلنا قد مات....... :d

خالك شيباني من ذيك تيرس مكط شاف أكجوجت ذّ الدوني أحر انواكشوط تم إلين أمرك لفاقة وكاسو بيه أهلو انواكشوط ومن فم رفعو الطب شور فرنسا وداروه فالعناية المركزة لين يوعَ تم انهار لين أوع يهو أحذاه نصرانيات لابسات لباس أبيظ وحدة اتْوَكْلُ والثانية اتمرسُ كانو يوعَ ولخرات واكفات كدام وجهو حل فيهم عينيه وكالهم..
هَذَا مَا وَعَدَ الرَّحْمَنُ وَصَدَقَ الْمُرْسَلُونَ..

أمنادم شك عنو فالجنة.



ايه حكيتكم اسلفولي ظحكة

خالك مده من لبزوكه ماتت وحده منهم كالو عنهم لاه يعيطو لواحد منهم موثوق يعود هو اللي لاه يعلم ولد لمرا بصفة متكايسة..
مشي منادم هاذَ عنُ يبرّ هو اوثقهم كايس ول لمرا كالو : انت امك عدك بيها؟؟
كالو لِ ش عنها كالُ : لين تليت ادكها بعينك كولي مرْ

هههههههههههههههههههههههههههههه
ام جهاد
لمرابط بعد انخلع ca - va-

لمر بكات عن اهل الدبش
ههههههههههههههه
متكايس صيد لبزوك
هههههههههههههههههههههههههه
ول عو - امسيكين - يرحم
ههههههههههههههههههههههههههههههههههههه
مشكوووووووووووووور
مع تحياتي

والله الا تمر بانواعه الفائز وطول لعمر والصحة

خالكين أثنين زُرك حكموهم جاندرمري ذيك الساعة زمن باتروي..
كام اكبير الفرقة انزكهم بالسولان كالهم:
أيوَ أطلصونَ أساميكم بالعجلة..
كالو واحد منهم:
بالنسبة إلْ يانَ السالك ول يالي ماني كايل أسمي وأعمر ول المصطفى لين إعود يبغي إكول أسمو ذوكو ماني حاكمو..

خالك واحد ينكالُّ نافع ول يَيِّين -حد امن اهل المذرذرة ايعود يعرفُ-اخبارِ افهندسة لكلام تم ايلين شاطُّ اطفيلَ ماهِ سماعة -اعوذ بالله-شاطُّ ابزبل اوكام نافع ايخاصم ايخاصم كالُّ حد نافع لااتبح هي طرشَ كالُّ مانللّ الَّ خبطّ ابزبلَ.

خالك أمره ماله ياسر باري مرقت من الدار و قعدت القدام خاظ أعليها واحد من أهل المعرفة بالفال و قال ألها:
إنا لله و إنا إليه راجعون أنت أنت نفسه و قاعده فالرياح
قالتلو أشفيها قاللها أنت ما سمعت أشقال ملان و نهي النفس عن الهوي :d

واحد يعدل بصاجَ مشى معاه واحد رسالة لحاسي من ذوك الحسيان اللي أجدد
على طريك لكوارب ينكال النعيم..ومشى لود حتتت وكاد يسهد عليه..
تلفن عليه كال:
كتلك ذ ما ريتُ آن مزلت فالدني حسيان الجنة ما فت عدت نستهد فيهم

خالكين حاسيين اعل طريق بتلميت واحد اسم النعيو والثانى اسم الفردوس ابيناتهم مافيه ش
كام واحد اكال عنو لاه يجهر حاسى كالو ل الناس
اشلاهى اتسميه كالهم لاه انسميه الجحيم

خالكين اثنين تمو ماشين إلين كال واحد منهم الوخر احليلك يكان ذا الليل والل انهار كالو هذا الليل كاللو لوخر ماه حك هاذا انهار واختلف كالو إيو حنين إنسول حد من أهل الشارع سول واحد كالول يابوي هذا الليل والل انهار كـالهــم مانعرف آن ماني ساكن اف هذا الحي.......
وشـــــــــــكرا

ههههههههههههههههههههههههههه
مشكووووووووووووووووووووور
ام جهاد اهل با تروي اباو يعطو اسا ميهم الجندر
هههههههههههههههههههههههه

تحياتي

ههههههههههههههههه الفائز بهم لعقل

ههههههههههههههههههه
ام جهاد الصيد امو ماتل يدكها بعينو الخير
واصلي ابداعك

ههههههههههههههههههههه مشكورة ام جهاد ..

ههههههههه ابو الفحفاح اسعدنني مرورك

منت بوها تمر حت

السلام عليكم ..
خالكَين وحدين أفتفرغ زينة طاحو أعليهم اللصوص وسفراوهم كَامو أكراو كَرداي , إلين عاد الليلة الأولة ج الكَرداي رافد دبوس وظواية لاهي يستلم العمل , أجبر أهل الدار ناشرين ايعدلو اتاي عاكَب لعش , عيطلو بوهم وقالو وهاي اشرب امعان اتاي جاوبو الكَرداي أنو أتاي فالليل اسهرو ولا يشربو

ههههههههههههههههههههه
اسكي بيك كرداي ما تبقي الصهر
شكرا لك نور الدين

هههههههههههههه امركها اتكردي ربي اكلع معيكبو

مشكوووووور نور الدين

خالكَ كهلة مزوج ولدها أمع وحدة ما تبقيها ولا أملي جاحدتها , فيه مرة وقدت بطت شمها والصيدة لخرا كانت اتبالي سولت الكهلة عن بطت الشم كَالها حد من أجماعة أن بطت الشم يسول عنها حد اسمو فيه الميم , كَالت الكهلة نعرف انا انها زينب ..؟ كَالت زينب يغير آنا أسمي مافيه الميم , جاوبتها الكهلة عنك ذا الراجل لكبير كذبيه