توك تنطرب

حاجلـك يلليلـك عـزيـت**ممشان ذاك الفيه انسيـت
عالمتّـي واعكبـت اتليـت**نكدي نار فسهـوت فنـدي
واري جهدي واعكبت اوريت**يكـان نطفيـهـا جـهـد
ذيك النـار الّ فـم اطفيـت**من سابـق يسبـت فقـدي
نمش تكدي وامنين امشيت**مزالـت فـيـان تـكـدي

مـن فـكـد الِّ فـيـه التـعـلاك**لـخـلاك ألّا تصـبـر لـفــراك
مـنّــو زاد وتـكـبـل تـركــاك**لـلّـي بـيـه تواحـيـد ازهـيــد
لـخـلاك وتنـطـاع وتنـصـاك**واتـروم بـلا شـرط ولا قيـد
خبطـت فاتـت كيـد التعـراك**وخبـطـت بالتنـشـاف الكـيـد
مــــرَّه تُــعــرّك بـالـتـزمـاك**امـــرّه تُـنـشــف بتـمـرمـيـد
غير الـلّ مـا تصبـر لخـلاك**صكّـط مـن حنّـه يـوم العيـد
مديور ال ليد الفوك الصاك**ذاك الــل مــا تـوصـلُّ لـيــد

يــــلال عــنـــدي مــعـــدّل**حــد ازرك هــاك ومـبــدّل
مـــاه كـــلّام وبـــاط أكـــل**خبرُ من نتفه واكصف رد
عـاذر كـان ببّـعـد المـحـل**عن ريزوه وعنّـو مـا كـد
يلحـك بـاط زويـرت ماتـل**خوف عليـه اشكرهـا حـد
وكتـن جاتـو ريـزوه ومـل**من لعذار اتحشلف وانفـد
لمهـد وكــال انّــو منـسـل**خايـف خبـرُ يعكـب يشـتـد
رافـد بـيـه ادور السـمـاح**وانا كـاع مسامـح وانكـد
مـا نجّلّـج غـيـر إلا طــاح**عرف امنادم صرفُ يرتـد


عرفو: بتخفيف الراء : عقل

عالـم بـعـد الـحـي المعـبـود**عـنـي لـعـاد لـــل مـوجــود
وكـر امـحـزّز فــيّ مـرفـود**ديـن اعـل بغيـو مــاه ســر
ذاك الوكـر الـلّ فـرظ اعـود**مــن لحـفـر معـهـود إل زر
منـحـر لعويـنـه ذاك الـكـود**من سهوت فنـدي مايخسـر
بـغـيُ كــان وعـنـدُ معـهـود**كــان إعــود المـلـهَ والـمـر
وإل عــاد الــلّ مــا هـبّـاس**عنـد النـاس استحـفَ واذّر
ذَر صدرُ واسغر عند الناس**عـنـدِ بـعـدانـا مـــا يـسـغـر

كاف من لحفَ صرتك ذيك**يا أم أوكيكيفه عن لحنيـك
عاد اشما ذاك عليك إتيـك**بـكـنـتـور ابــظــلًّ ظــافـــي
وانَّ صـاف مــاه أراعـيـك**نعـرفـيـك لـفـكـد الـصــاف
كيفت مـاك الِّ نعـرف فيـك**صــاف وإفــرح فـالـخـاف
كافـي يخيـتـي مــن لحـفـيْ**عودانـك مـن بـط الـسّـاف
فمّك خـاف وانـت مـن ريْ**لعـويـنـه كـنــت تـنـشـافـي

نعرف تيدومه كانت فوك**ظهر الصيدح عنها منزوك
من ذاك التيدوم اللي طوك**فوك التيدوم فغلظ اكـوم
عكبت ماتت وبكات عروك**شفت كبيل بلدها مـردوم
يحسن فيّ هـذاك ادليـل**عن ذ الدني ما لاه اتـدوم
وانّ ذاك اللّ شفت اكبيـل**من لكتيل إهـز التيـدوم

هدية خاصة للتيدوم المدير التوجيهي

من لكراف الدخلت لفيـال**للتـامـورت مـوكـر للـبـال
كـان اكبـال ومنحـر تجـال**لعطيف إل سهوت لمهـار
والتيشليـت الـيـن اكـحـال**تجـالـت لكـحـال ولحـجـار
الّ سهوت لكحـال وتنكـال**لكويرات الرخمـه لحـرار
فالـدلـلال وبـــل الـتـعـدال**فنـدي يالـبـال بــلا تـكـدار
ذاك الّ عندو خظت امكيل**مطروح اعلي فيـه العـار
ويّ ركّـاكـت غـيـد الـنـيـل**بـعـدنّ مــا حكّـيـت الـنـار

بغيـك بيـه انطبـيـت أطـيـت**يا انت بيه الكصره ومشيت
فيـه اعـل لحـبـل وانطبّـيـت**والخاسـر يالمـنّـك مـزهـود
معهـود أسـو كـد الوسـيـت**مـن لمشابـه يالريـم انـعـود
ماوسـيـتـو يـغـيـر ابـغـيـت**نعـرف كـانـك يـغـل لغـيـود
كــد الـلاحــك فـــيّ بـغـيـك**فـيـك انـتـيّ كــدّو مجـحـود
ولــل مــا تبغيـنـي يعطـيـك**مـن لحزيـم العـنّـك مـكـرود

نبغ لمفيلـك ماهـي سـر**ولا نبغيهـا لـذاك اتـكـر
ولان لاهي نكـدر نختـر**عن لمفيلك فالدهر ابلـد
لمّاضـع لخـر فـر افـزر**ولمفيلك من زر ولمهـد
يشهد بيها سابك يخسر**لمفيـلـك وامّــلّ يشـهـد
لمهـد ولا لاهــي يـكـدر**يلحك حـد مـن البـد إرد
عنّي لمفيلـك مـا نبغيـه**أراعيه احليلو يكدر حد
يحكيه اعل حـد أراعيـه**وحليلو نكريـه إيـلا كـد

جدر الصيدح من ساحل كان**عنـدي مـاه كيـفـت لـوطـان
أعـدّل منـهـم وانـفـك شــان**يـالـدلـلال اعـلـيـك الـمــاره
دار ابـلـوح المـنّـو مـنـهـان**بزهيـد اغــل غـيـد الـحـاره
نوبـت منزلنـا عنـد ارشـان**الـكـاره يالـعـكـل ولإشـــاره
كـافـي منـهـا ذاك ونـسـيـان**كــطــع التـيـكـفّـاي مــــا را
ملصك بعـد وعنـدي يشيـان**عـــودان الــدنــي غــــدّاره
دار ابلـوحـت راص الغـايـه**متـحـات وعـــادت غـفــاره
واكـطــيــع ام اتـويـكـفـايــه**والصيـدح ورشــان الـكـاره

كط ف فندي فـوت امكيـل**من عمري مايرجع وكليل
مـن ليّـام الكيفـو واحليـل**حـد إراه ف خــاط فـنـدي
فأكنـتـور امّــرّح وظلـيـل**والمـا تحـت الظـل امـسـدّ
مان وحـدي سبـت لكتيـل**ويّــاي مـتّـانـت وجـــدي
والــــدوام الّا لـلـشـكــور**عدتّـان مـن سبـت فكـدي
وبعـدمـنّـي زاد أكـنـتــور**والكـور وعـتّـان وحــدي

بارك الله فيك مبدعتنا الغالية احسنت صنعا

تقبلي مروري المتواضع

ابو الفحفاح مرورك نور صفحتي لا عدمتك

من يوم اعرفتك وسكنتكْ**بالعـزٌ ماكـط اجبرتـكْ
وحدك وونامس شفتـكْ**بتفاكَك يالعـراد احـذاكْ
وول يامس كَط المعتـك**وغمزتك وعملتِيلِ هـاكْ
وبذيك العين اباش اشتكْ**والدحميس اغلبن نلكَاكْ
وكبيل اتبان امعاك اختكْ**ومعاك آن والبال امعاكْ
مزلت انواليلك صبـركْ**يالعراد ءمزلـت انـراكْ
والله صرتك مانجبـركْ**فبلد وحدك ماشفت ذاكْ

خازن فاغل غيدات الديـر**ياسر من لمشابه والخيـر
كنـت امـواس عـنّ يغـيـر**أثـر ذاك الكنـت امــواس
مـن لمشابـه عنّـو تختيـر**ظروك باش اتحك انحاس
كولـيـل يالمـنّـك متـكـنـت**شـنـواس يـــلّ مـغــواس
منّك مـاش فخلاكـك كنـت**وانـتـيّ تـمـش فاعـكـاس

كور الّ تعرف كنت ادهـور**لحريثـه فيـه وفـيـه أمــور
وامنين اتّوك اعليه اتحور**عينـك فبيـاظ بهـك وبـطـاح
واخظار الكيف مـا مجبـور**فالـخـاط كـــور ولا يـلـتـاح
ظـروك يعـكـل مــات كــور**وخظـار كـل ومـاه اشحـاح
وامور التعرف عاد اجدور**والزربه عادت بـل امـراح
هــذاك إدل اعـلــن أمـــور**ذي الدنـي فــر ألا تـجـراح
وامنـيـن اتـفــرّح زاد ادّور**تعكب تستحـف مـن لفـراح

لاهـي يعيـن صرتـك ذيـك**نكريـك إلا شفـت لحنـيـك
ساحل لمفيلك ومحمجيك**فمنـيـن اليلعـيـن اتـكــدّي
ما تقطر لك دمعه راعيك**واحليلـك يالعيـن اتــردّي
دمعـك بعـد أراع نكـريـك**يالعيـن ونعطيـك العـنـدي
كــان اتـكـد تـعــط تـلــواد**دون الـــواد ولا تـتـهـدّي
يالعين امبرّيك امن الواد**مـحـد الـمـا فـيـه امـســدّ

غرّشـت الـيـوم أن الـمـآل**الاّيـــعـــكـــل لــــلـــــزّوال
وأن الـدوام مــن المـحـال**يـــالـــدلاّل و ذاك إفـــكـــر
راع تــنّــكــرط يـــالــــدلال**ويـبـنـقـان وهــــذ لـكــعــر
والعـيـن أرعـيـهـا يـالـبـال**واحـريـجـت لـوتــد لـمّـبــر
ذيـكـيّ مــا حـركـت مــزال**موسـمـه فالـبـال امـوكّــر
هذي لمواضع يا السبحان**لــو عــت الـمــان مـسـيّـر
ما نمش عنهـا غيـر إبـان**ولـــــلاّدم مـــــاه مـخــيّــر



........ ويتواصل ... محمد ناجم

الهدية مقبولة وبكل شرف ومنة الأستاذة أم جهاد والله انها هدية رائعة ومميزة جداولابد من الوقوف عندها وان كنت لن افيك حق ما تستحقبن من الشكر الذى لن ينقطع واخرا تقبلى مرورى على جميع المساهمات الرئعة والمميز التى وبحق اثرت المنتدى بروائع من الشعر الحسانى الشيق فشكرا الف شكر اخوكم على الدوام التيدوم

قليلة في حقك اخي التيدوم تستاهل اكثر

يا ام جهاد

هاذ رايع اسكسسسسسسسسسسس

مع تحياتي وتقديرى

مرورك اروع اخي الفايز

تِخْلِـيـتـك ماهـنـاتـنـي**مـانـركــد مـاوعَّـاتـنـي
ولا نَـوعَ مـا سهاتـنـي**بــي عـنـدي تِـعـدالـك
واخلاقِـك مـا خلاتـنـي**فنواسـهـالـك هــالــك
واخـلاقـك ماخـلاتـنـي**يــكــون انـواسـهـالــك
كلـتِ عنِّـك فالفايـتـات**تِبـغ لعيـال وذاك فــات
سبة لعيالك لا نسمات**فيـهـا سـبـة لفصـالـك
واعيلـك نـعـرف علـتـه**كان اخلق.فِعل المَالك
فالمـالـك حــت قـلـتـه**فعـل المالـك فالمـالـك

قُولُ لاَ عْلِ عَنُ شَيْنْ اعْلِيهْ**عَيْـبُ لِ فَالنَّـاسْ وَ شَـمْـتُ
وَانَ هُـــوَ مَـــانِ سَـامِـيــهْ**نَـبْـغِـيـهْ وَنَــبْــغِ صَـاحِـبْــتُ
وَافْطَنْـتْ احْـلُـوفُ يالْـجَـوَّادْ**بِــنُ يَكـتِـلْـنِ مَـــاهُ امْـقَــادْ
اعْـلِـيــهْ وُلاَ مِــــنُّ مُــفَــادْ**بِـيــهْ الـلِّــي رُوحِ لاَ زَمْـــتُ
وَالاَ يَـكـتِــلْــنِ وَالــــــلَّ زَادْ**تِكـتِـلْـنَّ عِـــزْتْ صَـاحِـبْــتُ

شفت اظحيك يامس يانت**واتــوتــيّ مــــرت بـــــيّ
والله الّ يــوكِـــي حـــــتّ **بِـيــك اظـحـيـك واتـوتــيّ
مَغْلاك اعلـيّ يكْطـع بِيـك**امــريّ وانــتِ شمغـلـيـك
اعـلـيّ ماحاجـلـي فـيــك**شِ كــاع اغلـيـك اعـلــيّ
مانـك حـي وابـان اعلـيـك**اكِـرِّيــظْ ولاعـنــدِك نـــيّ
وامـلِّ مـن متـن اتفلـويـك**راصـك ماهـو ملـوي لــيّ
اسوشنهـي كيـف ايـديـك**امــــلّ مـافـيـهــم لَـــــيّ
وامـع هـذا كامـل نبغيـيـك**لمغـلـيـك اعــلــي بــــيّ
شفت اظحيك يامس يانت

لي ياسر عت انجيك ابذيك**الحال ولا نبـغ نرخيـك
غير امجلجنـي حداجيـك**هون امـن اديشـل بـل
بيه انجيك آن وامحاجيـك**قوليلي عـت اشحاصلـي
لهجار امعاك اغلبني بيـك**عنو وعر اعليك اتولـي
واتركت ال نبغي خاطيـك**فت اعليك ايـاك اتخلـي
خاطي وارفـدت افبغيـك**لخلكـات اعليـك املـي
نمش وانوليلـك راجيـك**واكتن نكثر فيـك اتكلـي
فـي واتدلـي زاد ايديـك**بـي وتغلـي واتعـلـي
ذل مغناني فـات اعليـك**من عزت صيد اديشلـي
امجلج يـا سبـت فلـش**نمش وانولي عـت اللـي
حاصللي مجلـج مـن ش**نمـش مجلـج وانوللـي

فالظلمـة يالمقيـت=وارشراش اتمشيت
نافد ذللـي عزيـت=فانزيلة شرك ابعيد
فانيتـي واتنيتيـت=واطايحت افلحديـد
واسبكت امنين الجيت=فاخويمة من لعبيـد
عرظتلي مارديـت=اعليك ابشي شديـد
امن الكلفة وانعيـت=العز الذاك الصيـد
واسكـت ايقضيتـي=شتلالي كاع افليـد
مكلـوف امتنيتـي=امبلول اشرك ابعيد

كلت لي ياكنان =املصني وانساني
من راسك شاتحاني= راسك ذ برهاص
وخرص لك شي ثاني= واشبه لك تخراص
راسي منك راني =عاهد لك بملاص
غير ابليس الى شد= المخزي برهاص
انسي حد افحد= وانسيه افراصو

ابلد عتي فيه انجوليه =ماعيني فبلد عتي فيه
ابلد عتي فيه اشل بيه=ناتر عنك ذيك النترا
ؤمرجع فخبارك مانسميه =خايف من شي ثاني يجرا
ؤلا كط اب لخبار الحكتك =خوف اتشكي عنه فخرا
بي تبريمت مظحكتك = لخرا عن مظحكتك لخرا************************************

منت المهدي في ما بينـي**وبـيــن الله ماعـيـنـي
فيـه كنـت ؤلا تلهيـنـي**ماتعرف قبلي مـن بعـدي
عن منت المهدي اراعينـي**مانعرف بل اهـل المهـدي
نعرف عنهـا مـا تيغينـي**واسغر مني ماهـي كـدي
سابـك دحمسايـت لثنيـن**الماضي كنت امـع قريـن
نسـدر شـمـال ؤيمـيـن**جيت ال منت المهدي مهدي
عيشـة والا عنـد امنيـن**تتبسـم تتـنـاس عـنـدي
لريام ال خاطيه ف الحيـن**ماعـاد السانـي مستهـدي
عـت انكـرر لايشقينـي**يمنت المهدي هـاه اهـدي
عـت امـودع لله ديــن**من تبسيمت منت المهـدي
عـت انكـرر لا يشقيـن**يا منت المهدي هـاه اهـدي

آن يا النـاث نبغيكـم**كنت الا نبـغ بغيكـم
خاسر هم كنت اعليكـم**والعند فر من امتحـان
يغير اليـوم امزبيكـم**جيت اونامس لهل افلان
واكبظت امن ال تحجل**كطاع لظفـار واتبـان
عادت كطاعت ذاك ال*بين والناث كامل كـان

افلكصر كبل ازمين**اجبرت احديدازوين
سولت عن فامنيـن**اجـبـار يـقـدر
نكفـرل بالتلفيـن**تلفنـل بعداشهـر
ج كايـل فالحيـن**من رقم الا يظهـر
ما يكدر يقرب حد**حومتن من لكصر
واكطع ذحالت بعد**ابر طاحت فابحـر

اجحدت الين افترت=نعرف عني عزت
ذي لمرية وزهدت=فيه يكطـع بيـه
وامكلل فيه عـدت=ء عدت انشلل فيه
واحلفت ابكل ايمان=عن مـا نبغيـه
يعير الناس اتبـان=ما يدرك ش فيه
نشكطه ما يسـال=ل لي عنه تنكال
داير بيـه ينكـال=ابلا غايـة فيـه
غير امع ذيك الحال=حد امرة يبغيـه
يسو كـد ال كـال=ال حد اوخر فيه

شفت أطفيلة صفرة صفرة**ما تكرد حـد ولا تسـرب
ولا تكَرا .. تكَرا .. تكَـرا**ولا تكتب .. تكتب ..تكتـب
تل , أعلا حد من أحبابـي**جيت أمسلم وأعـلا بابـي
صافي .. متسـع جلبابـي**حسيت أبشي يجذب ..يجذب
وآنا مستصنـع وأصحابـي**فطن عني لاهـي نخـرب
ولا نشيشـر , وإيجـابـي**كَاع أتشيشيري كان أرتـب
نجحد ذا ألشفت ..؟ أمابـي**نكذب ..؟ ماني لاهي نكذب
شفت أطفيلة صفرة صفـرة**ما تكـرد حـد ولا تسـرب

يلال كان مان شديت*امن الصيدات التزهال
أيلال كان ما وفيـت**لكراي سابك تطبـال
أيلال حت ما اشتكيت**مذ عند مـن يـلال




عيدي ذا الفات الا أمشيت**دون أغل غيدي ماأمليت
منه عينـي ماأشتكيـت**وآن لولَ كَصف أيـدي
وأني تلميدي ماأعطيـت**دون أغل غيدي عيـدي
وأصل آن خاسر ماه رد**عيدي دون أغل غيـدي
وأنمر آن وإيمـر بعـد**كَصف أيدي والتلميـدي

لَحكَْ للخلْـطَ يَـلّ كنـتْ**لاهِ توْعدْهـمْ ولّ فــتْ
سَنْتيتْ افمشيَكْ عنّ كنتْ**نسْـمِ نوْعدْهـمْ بالعجـلَ
وإنّ ماريتْ إكَرايَ فت**والشغلَ ماريـتْ الشغـلَ
وانْ أرضْ الكبلَ فيهَ منتْ**يحيَ يكطعْ بيـهَ طفـلَ
وانّ فالكبـلَ وانّ عِـتْ**ألاّ حدْ امنْ أهـلْ الكَبْـلَ

ظحكك وأتراويقك للطيش**شوفي ذا لي لو محظـر
من لبعر والويل ولحشيش**والويل ولحشيش ولبعـر
كّاع .. ألا جيتي تتمشاي**راسك متفرفـر تميشـاي
قصدك بيه أدوري تنشاي**حزم اوخر كيفت مدا شر
أح ..أوفـــــــاي **حريكّ أم إلي كّط أظفـر
كّرنو من عند آدم جـاي**وخلا كّرن اوخر ما ظتفر
ظحكك وأتراويقك للطيش**شوفي ذا لي لو محظـر

برحت لـول بـت انكمـرس**كبلت شرك كسيب امكركس
لجمل فـات اليـل اتعسـس**جـاو اعـل بلـو لمراكيـب
ومحاو أثرو وبـك منكـس**عـت انروغـو فتعاكـيـب
لمراكيـب اثـرو عـاد ادرس**ولــل تـايـب لله كـذيـب
ماه مركـوب الا ميـعـاد**لي كان مـع حـد فلكسيـب
ما ريتو وعـت انسوقـي زاد**ابلكذيـب اعـل لمراكـيـب





* الكاف المعقودة

نعرف عن نختير انتم ---- طول الدهر امعاك ء نلتم
فم امعاك ء لا نتخمم ---- بالقاش كاع ال راش
و لا شفتين نتخمم ---- عندك ماش والا ش
بعد ازيد اعطيب من فم ---- واحزيم ذاك وتشباش
واليوم امنين العت الخير ---- يحزم قماش ماش
ران ماش عنك يغير ---- من عزك لاحك لحواش

مع تحياتي

عن مرياي لفيطمات ---- قلتن صايب و مرايب
غير الا هي ماوسات ---- اباش انتم ءان صايب
وامرايب عن ش بيه انتم ---- انراه عن غيد المحزم
نوحل فالحكاي والنم ---- وانواس تخمام غايب
عن مرياي خوف ابن عم ---- ينقالن مان هايب
انتم الين افذاك اليم ----- ءان لك يا رب تايب
تظحكل ول تتكلم ----- بكلام افوذني طايب
وامونك فيهم وامسكم ---- تعرف عن مان عايب
اعل حد ء يظهرلك فم ---- يالعقل ان مان صايب

مع تحياتي

يالعقل ال مانك منتاش ----- من برحت لول عن توحاش
امر مانك عارف منت اش ==----- اتكايس يعطيك الجدر
وانقص عن ذ هاذ يم اش ===----- ال مانك قاع امشفر
عت افبغي الا ماتنزاد ===----- يالعقل افطنك مدهر
وراهوالك يمش زاد ===----- بشور الفخلاق يجر
واحزيم ادليلك و ادليلك =----- يالعقل اعل حزم ادليلك
عت اتيان امكمل ليلك ===----- صهران و تهروتفهر
والسانك ماه امليلك==== ----- يعقل ولا ش يهر

والسانك ماه امليلك==== ----- يعقل والا ش يهر

والله الا اسكيييييييي بك الفايز واصل اخلليكلي

لحترام اتفـو بيـه**تـم عنـك خليـه
والل تمي كبظيـه**للكراي اف لكلاص
تميلـك لريتـيـه**احترميه ابلرهاص
والقانون اراعيـه**يكانو مـاه نـاص
اعل كون التقديـر**للكراية واخـلاص
واحتـرام المديـر**ايكسي كاع الراص

تـم لريـت زيـن سعـد**يا الريـم ابعقلـك عـود
حفظ الموجود خير بعـد**مـن طـلـب المفـقـود
والنـاث تبـغ ول عـم**ينفـع فالستـر وارحـم
والـذات الزيـن واشحـم**وانـتـي يامـقـصـود
حمد ذ الخير اعليك عـم**ادبرتـولـك باجـهـود
واتبات اتلـود هـك خـم**يخـيـت لاش اتـلـود
تـم لريـت زيـن سعـد....................
ذاك ال كاطع مـول لـك**وامن ارض البعد إصوللك
ون طـرف منشورلـك**وان شــورك متـفـود
مان لاه فيه انكـول لـك**مـاه عـنـك يـخـود
تـم لريـت زيـن سعـد................

كًلتيل عني مـا نبغيـك**وانّي ما كًط اجبيت اعليك
دهر اكًبيظ الحمّه لك ذيك**غيـر آن عالـم مُـلانَ
ما نعرف يكان امتن فيك**الحمّـه ولـلّ فـيـانَ!!


مسكين

يتواصل

ذ من لحزيـم المنطلـص**فاخـلاك مـاه منتكـص
والتلياع الما كـط خـص**والجابـر مـن لـهـان
لكـان اتكـسـم نــص **خص ملان بيـه اغـلان
اخصيت ابنص إعود نص **الهـا والنـص الـيـان
نـسـواو أنتـكـاصـر**واكتـن مــا ســوان
مــلان ذاك الا اثــر**مـن ريـادت مــلان

مانسَّـانـي فـيـك إلَــذاك**يللي منـك روحـي فأهـلاك
هذا من طـول الدهـر ؤراك**ماريتـك ذاك إجـد أعليـك
ذا الهم اللي شاغلني عن مرياك**مانسَّانـي يالمـولـع بـيـك
فيك ؤطرب الجو اللي حـاك**مانسَّانـي فـيـك ؤكافـيـك
عن ملـكَ غيـدات الغيـوان**صرتِ يالريم ؤصرتك ذيـك
مانسَّانـي فـيـك ؤنسـيـان**أهلك لـي مـا نسَّانـي فيـك


.............يتواصل

ام جهاد

والله ال خليتين - يم اسكيييييييييييييييييييييييييييييييييي

امسيكين اشف الصيد ل اعليه الحم

مع تحياتي

منت احمد يوم الحصر جات ----- للحصرفات الشمس اجبات
تتنيمش فحفول الصيدات ----- تتلمع مسكين وترد
وانفقع منه لعليات ------ وانفقع قوم اولاد احمد
ما تخطر فابلد ما خلات ------ حد اتل ماه فاقع حد

تحياتي

ترك العقل اعيال وامجيه ----- لميم ماه هم اعليه
شين اعليه ء لاه راضيه ---- ء لا يبغ فالحي رد
جاهل كان اعليه اتواسيه ----- اجهل ما يعبر قد
غير الله اخلعن راد ----- هاذ الحال اعل عبد
والعبد امل قاع اعاد ----- هاذ ماه امجلج عند

مع تحياتي